Charo Pita e Javier Fernández presentaron diante dun grupo de alumnos de segundo ciclo de Educación Primaria do CEIP de Pedrouzos o espectáculo “Palabras percuDitas”. Unha función que combinou música con narración oral, onde diferentes instrumentos de percusión axudaron ás palabras a tomar forma propia a través do ritmo.
Unha entretida sesión que comezou ás 12 h., prolongándose durante aproximadamente cincuenta divertidos minutos. O espazo multiusos do Centro Social Polivalente foi o lugar escollido para realizar esta actividade, que forma parte da programación da XXV Feira do Libro de Brión-Maio Cultural 2015 organizada pola biblioteca municipal e a Casa da Cultura de Brión.
0 comentarios :
Publicar un comentario