Biblioteca pública municipal de Brión

Estamos na Carballeira de Sta Minia dende 1989.

Un amplo espazo dominado pola luz

Sala xeral. Estudo, lectura e acceso a Internet.

Para os máis pequenos, un espazo de seu.

Sala infantil, cálida e luminosa.

Unha biblioteca aberta ás novas tecnoloxías

Acceso á información a través dos novos soportes dixitais.

Ven, entra e coñécenos

A biblioteca de todos e cada un.

sábado, 11 de xaneiro de 2014

Dia do Usuario/a: moitas grazas por confiar en nós

As bibliotecas galegas celebramos por vez primeira o Día do Usuario, una data que ven de incorporarse ao Calendario do Libro e a Lectura da Consellería de Cultura. Unha efeméride que lle da o protagonismo á nosa razón de ser: os usuarios que día a día se achegan as bibliotecas públicas na procura do libro e a lectura, a información e o acceso ás novas tecnoloxías da comunicación.

Porque esta é a nosa principal motivación, ser un servizo público de calidade ao que todos os cidadáns poidan acceder libremente. Por iso, todo o ano traballamos para ti. Pero hoxe queremos agradecémosche especialmente a túa confianza nos servizos que che ofrecemos con algunha que outra sorpresa.

Moitas grazas por confiar en nós. Porque queremos ser a biblioteca de todos e cada un. A túa biblioteca.

xoves, 9 de xaneiro de 2014

"El invierno en Lisboa" de Antonio Muñoz Molina, vindeira lectura do club

Tras ler no Nadal “A pensión Eva” unha interesante novela do escritor italiano Andrea Camilleri, comezamos o novo ano con outra atractiva proposta de lectura que nos chega da man do autor español Antonio Muñoz Molina. Estamos a falar de “El invierno en Lisboa” publicada por vez primeira pola editorial Seix Barral en 1987. Unha novela de amor ambientada entre a capital portuguesa, Madrid e Donostia. Unha obra onde a música jazz ambienta o romance entre o pianista Santiago Biralbo e Lucrecia, una muller casada, mentres son perseguidos polo seu marido. Unha evocación das paixóns amorosas e o resultado da fascinación pola intriga que enmascara os motivos do crime.

Antonio Muñoz Molina é un recoñecido escritor e académico de número na Real Academia Española, conde ocupa a cadeira “u”. Galardoado co premio “Príncipe de Asturias de las Letras”, Muñoz Molina naceu en Úbeda (Jaén) en 1956. Estudou Historia da Arte en Granada e Xornalismo en Madrid. Nos anos oitenta traballou de funcionario na capital granadina e colaborou como columnista na prensa local. Tras publicar o libro “El Robinson urbano”, unha recompilación dos seus artigos xornalísticos, en 1986 ve a luz a súa primeira novela “Beatus ille”. Un ano despois gaña o “Premio de la Crítica” e o “Nacional de Narrativa” precisamente coa obra que nos ocupa “El invierno en Lisboa”. En 1991 foi recoñecido co “Premio Planeta” e un ano despois co “Nacional de Narrativa” coa obra “El jinete polaco”. Outras novelas destacadas son “Beltenebros”, “Los misterios de Madrid”, “El dueño del secreto”, “Plenilunio”, “Ventanas de Manhattan” ou “El viento de la luna”. 

Editado: Para comentar “El invierno en Lisboa” reunirémonos o vindeiro día 05 de febreiro na biblioteca pública municipal ás 20:30 h. Ata entón, saúde e boas lecturas.