Horarios de verán da biblioteca: mes de xullo

No mes de xullo a biblioteca municipal de Brión adapta as horas de apertura á tempada estival.

Dende o luns día 4 e ata o venres 29, a biblioteca prestará os seus servizos no seguinte horario:

Luns a venres:

Mañás: de 10:00 a 13:30 horas.
Tardes: de 16:00 a 20:00 horas.

Os sábados, a biblioteca permanecerá pechada. (Dende o sábado día 2 de xullo)

Seguir lendo

"A vitoria do perdedor" de Carlos G. Reigosa, nova lectura do club

A Galicia da posguerra é o escenario no que se sitúa a nosa vindeira historia, unha lectura coa que pecharemos temporada antes do descanso estival. “A vitoria do perdedor” de Carlos G. Reigosa é unha novela que nos narra as vicisitudes de Arcadio Macías, perdedor dunha guerra que prepara a súa marcha fóra de España.

A represión non cesa, pero esta situación desatará a súa rebeldía e impediralle fuxir. Convértese nun combatente solitario e vingador que cambiará a realidade dunha bisbarra. Unha novela ambientada a finais da década de 1940, coas guerrillas anti-franquistas, a vinganza e a violencia que esta xera como protagonistas.

Un libro que comentaremos na vindeira xuntanza do club, o xoves 7 de xullo.

Seguir lendo