martes, 30 de novembro de 2021
Presentación en Brión do libro de María Antonia Cao López
martes, 23 de novembro de 2021
25N, Día Internacional da Eliminación da Violencia contra a Muller
A información é a mellor arma para acadar este albo, porque con educación podemos previr e reverter un fenómeno que afecta a milleiros de mulleres ao longo de todo o planeta. Por iso, na semana do 25 de novembro, comprometémonos máis que nunca a dar visibilidade e liberarnos das violencias machistas.
Asemade, desexamos convidarvos a descubrir unha pequena mostra bibliográfica sobre o tema que atoparás nun dos expositores da sala principal da biblioteca. Son libros que atoparás de xeito habitual no noso punto de interese permanente sobre igualdade.
xoves, 18 de novembro de 2021
O Concello de Brión convoca o IV Premio Laudamuco para textos teatrais
A este premio poderán optar todas as autoras e autores de calquera nacionalidade que presenten obra dramática inédita e nunca antes premiada, sempre que estea escrita en lingua galega. O tema e a extensión da obra será libre. O prazo de admisión de orixinais rematará o día 11 de febreiro de 2022.
O galardón literario está dotado cunha achega económica de 7.000 euros, unha escultura conmemorativa orixinal do artista Xosé Vizoso, ademais da edición da obra gañadora. O veredicto do xurado darase a coñecer na terceira semana do mes de abril de 2022. A entrega do premio realizarase nun acto solemne, organizado polo Concello de Brión, o 16 de maio de 2022, corenta e catro aniversario da posta en escena da obra "Laudamuco, señor de ningures".
Máis información en www.concellodebrion.gal
luns, 15 de novembro de 2021
Regresa á biblioteca o Club de lectura para adultos