Biblioteca pública municipal de Brión

Estamos na Carballeira de Sta Minia dende 1989.

Un amplo espazo dominado pola luz

Sala xeral. Estudo, lectura e acceso a Internet.

Para os máis pequenos, un espazo de seu.

Sala infantil, cálida e luminosa.

Unha biblioteca aberta ás novas tecnoloxías

Acceso á información a través dos novos soportes dixitais.

Ven, entra e coñécenos

A biblioteca de todos e cada un.

xoves, 20 de decembro de 2018

"La amiga estupenda" de Elena Ferrante, nova lectura do club

Tras ler e comentar “Tu no eres como otras madres” de Angelika Schrobsdorff, afrontamos no club unha nova lectura da man da autora italiana Elena Ferrante. A novela escollida para esta ocasión é unhas das súas obras máis coñecida: “La amiga estupenda”, primeiro volume da popular saga “Dos amigas”, publicada no noso pais pola editorial Lumen.
Con esta obra Ferrante inaugura unha serie que ten como pano de fondo a cidade de Nápoles a mediados do S. XX e coma protagonistas a Nanú e Lila, dúas mulleres novas que están a aprender a gobernar a súa vida nunha contorna onde a astucia, antes que a intelixencia, é o ingrediente de todos os prebes.
Para comentar esta obra de éxito, recentemente adaptada a serie de televisión, reunirémonos o vindeiro 16 de xaneiro na BPM de Brión. Mentres tanto, felices festas e boas lecturas.

luns, 17 de decembro de 2018

Horario de apertura e servizo de préstamo durante o Nadal

A biblioteca pública municipal de Brión vai modificar o seu horario de apertura nestas datas tan sinaladas. Ademais dos días festivos, 25 de decembro e 1 de xaneiro, o centro permanecerá pechado os sábados 22 e 29 de decembro e  o 5 de xaneiro. Tamén os días 24 e 31 de decembro.
Do 26 de decembro e ata o 4 de xaneiro, o horario de apertura será como segue:
     - Mañás, de 10:00 a 13:00 h.
     - Tardes, de 16:00 a 20:00 h.
 Os días 27 e 28 de decembro, non funcionará o servizo de préstamo a domicilio, aínda que si a devolución.

 Moitas grazas e desculpen as molestias.
FELICES FESTAS E VENTUROSO 2019!!