Lembranza importante sobre a plataforma de préstamo dixital eBiblio Galicia (GaliciaLe)

Debido ao cambio de provedor da plataforma tecnolóxica que sustenta eBiblio (a plataforma de préstamo dixital en Lingua castelá incluída en Galicia Le), dende o Ministerio de Cultura y Deporte comunícannos que é posible que algún dos servizos se vexan interrompidos en todas as CC.AA, parcial ou totalmente, a partir do 26 de novembro.

Así mesmo, o Ministerio ven de informarnos de que durante o 7 e o 8 de decembro, a plataforma non estará en funcionamento. O restablecemento de todos os servizos web, así como a dispoñibilidade da nova app, están previstos para o 9 de decembro.

Por outra banda, lembrar tamén que o catálogo galego de préstamo electrónico continuará operativo con normalidade.

Seguir lendo

Lembranza importante: Confinamentos perimetrais, devolucións e renovación de préstamos

Ao abeiro dos protocolos establecidos pola Rede de Bibliotecas de Galicia, as persoas afectadas polos confinamentos perimetrais no relativo a préstamos, reservas ou préstamos interbibliotecarios deben poñerse en contacto coa  biblioteca para solucionar este problema.

Por tanto, no caso de non poder achegarte á biblioteca e ter en préstamo materiais do noso centro que se atopen fóra de prazo de devolución ou a piques de vencer, por favor, contacta connosco a través dos medios habituais, por teléfono ou correo electrónico.

Moitas grazas pola vosa atención.

Seguir lendo