HORARIO DE VERÁN: MES DE XULLO
No mes de xullo a biblioteca municipal adapta
as horas de apertura á temporada estival.
Podes consultar toda información na seguinte ligazón.

Biblioteca pública municipal de Brión

Estamos na Carballeira de Sta Minia dende 1989.

Un amplo espazo dominado pola luz

Sala xeral. Estudo, lectura e acceso a Internet.

Para os máis pequenos, un espazo de seu.

Sala infantil, cálida e luminosa.

Unha biblioteca aberta ás novas tecnoloxías

Acceso á información a través dos novos soportes dixitais.

Ven, entra e coñécenos

A biblioteca de todos e cada un.

martes, 28 de xaneiro de 2020

Día da Ilustración 2020: Cándido Fernández Mazas

O 30 de xaneiro, e coincidindo co nacemento de Castelao, celebramos o Día da Ilustración. Unha efeméride para lembrar e reivindicar o papel dos profesionais da ilustración na industria cultural. Cada ano, un ilustrador histórico galego é homenaxeado. Nesta ocasión o protagonista é Cándido Fernández Mazas.

Nado en Ourense en 1902, Fernández Mazas foi artista e escritor, colaborou como ilustrador en publicacións como Nós ou Alfar. Formou parte (xunto a artistas como Luís Huici, Francisco Miguel ou Luís Seoane) da xeración do 30, renovadora da plástica galega. Ilustrou numerosos libros e asinou baixo distintos pseudónimos en xornais como La Zarpa, Galicia, El Pueblo Gallego ou Política.

Tras ser esquecido durante décadas despois do seu pasamento en 1942, a finais dos anos oitenta, unha serie de obras, editadas grazas sobre todo ao esforzo do seu irmán Armando, recuperaron a súa figura, creativa, senlleira, profunda e múltiple.

Ligazóns de interese:

xoves, 16 de xaneiro de 2020

Modificación horario de apertura da biblioteca: semana do 20 ao 27 de xaneiro

A biblioteca municipal vai modificar de xeito extraordinario o seu horario de atención ao público durante a semana do 20 ao 27 de xaneiro (ámbalas dúas datas incluídas). Neste período o centro prestará os seus servizos atendendo ao seguinte horario:

Luns a venres:
Mañás: De 10:00 a 13:00 h
Tardes: De 16:00 a 20:00 h.

Sábado:
De 09:00 a 14:00 h.


A partires do martes 28 de xaneiro retomaremos o horario habitual.
Desculpas polas molestias ocasionadas e grazas pola vosa comprensión.

sábado, 11 de xaneiro de 2020

"Otra vida por vivir" de Theodor Kallifatides, nova lectura do club

Aos setenta e sete anos, bloqueado como escritor, Theodor Kallifatides toma a difícil decisión de vender o estudo de Estocolmo, onde traballou durante décadas, e retirarse. Incapaz de escribir e, con todo, incapaz de non escribir, viaxa á súa Grecia natal coa idea de recuperar a fluidez perdina na linguaxe.

Este é o argumento de “Otra vida por vivir”, un texto no que o mencionado autor explora a relación entre unha vida con sentido e un traballo con sentido, e como reconciliarse co envellecemento. Pero tamén se ocupa das tendencias preocupantes na Europa contemporánea, desde a intolerancia relixiosa e os prexuízos contra os inmigrantes ata a crise da vivenda e a súa tristeza polo maltratado estado da súa amada Grecia.

Unha lectura coa que abrimos o ano tras ler e comentar “Un árbol crece en Brooklyn” da escritora norteamericana Betty Smith. Unha obra que ofrece unha meditación profunda, sensible e cativadora sobre a escritura e o lugar de cada un de nós nun mundo cambiante.

Para comentala reunirémonos o vindeiro 6 de febreiro na biblioteca municipal. Como sempre ás 20:30 h.