HORARIO DE VERÁN: AGOSTO
Do 28 de xullo ao 31 de agosto, a biblioteca municipal
permanecerá pechada.
Volvemos o día 1 de setembro co horario do mes de xullo.
Un feliz verán cheo de boas lecturas!

xoves, 20 de decembro de 2018

"La amiga estupenda" de Elena Ferrante, nova lectura do club

Tras ler e comentar “Tu no eres como otras madres” de Angelika Schrobsdorff, afrontamos no club unha nova lectura da man da autora italiana Elena Ferrante. A novela escollida para esta ocasión é unhas das súas obras máis coñecida: “La amiga estupenda”, primeiro volume da popular saga “Dos amigas”, publicada no noso pais pola editorial Lumen.
Con esta obra Ferrante inaugura unha serie que ten como pano de fondo a cidade de Nápoles a mediados do S. XX e coma protagonistas a Nanú e Lila, dúas mulleres novas que están a aprender a gobernar a súa vida nunha contorna onde a astucia, antes que a intelixencia, é o ingrediente de todos os prebes.
Para comentar esta obra de éxito, recentemente adaptada a serie de televisión, reunirémonos o vindeiro 16 de xaneiro na BPM de Brión. Mentres tanto, felices festas e boas lecturas.

0 comentarios :

Publicar un comentario