Charo Pita na gardería municipal con “Triquitraque- Traquetriqui”

Palabras, trabalinguas, historias, algún silencio, libros, xogos co corpo, cancións de arrolo, sons sorprendentes, e todo un triquetraque (ou un trocatriqui) para que os que dormen no berce tamén poidan gozar coas historias de Charo Pita. Unha vella coñecida da Feira do Libro que presentou un conta contos o venres, 29 de maio, na Escola Infantil municipal de Brión.
Un espectáculo dirixido aos meniños da gardería que pecha por este ano a XXV Feira do Libro de Brión-Maio Cultural 2015. Unha programación cultural que estará de volta dentro dun ano, cando comece maio e con el o mes das Nosas Letras.

Publicado en: actividades , animación á lectura , Charo Pita , Feira do Libro de Brión , maio cultural , Triquitraque- Traquetriqui