De Suecia ata Xapón pasando por Grecia. Unha viaxe literaria que nos traslada ata oriente para reencontrarnos coa obra dun clásico contemporáneo, Haruki Murakami.
Despois de ler a deliciosa e autobiográfica “Otra vida por vivir” do escritor Theodor Kallifatides, achegámonos agora a un fermoso relato do célebre escritor xaponés sobre o misterio e o cotiá. Falamos de “La chica del cumpleaños”, a obra escollida para ler e comentar nesta ocasión.
Unha moza que traballa como camareira cumpre vinte anos. Pero non pasa ese día rodeada de amigos ou celebrando o aniversario en familia: ten que traballar. O seu xefe, o xerente do restaurante, pídelle, ademais, que leve a cea ao dono do local. É algo novo, nunca viu ao propietario. Con ese misterioso encargo iníciase este delicioso relato que transcorre como nun soño.
Unha lectura que analizaremos na vindeira xuntanza do club o próximo 27 de febreiro. Como sempre na biblioteca municipal ás 20:30 h.
Tradución do xaponés de Lourdes Porta
Editor: Tusquets , 2018
Características: 78 p.: il. cor; 23 cm.
Ficha da obra:
"La Chica del cumpleaños" / Haruki Murakami
Ilustracións, Kat MenschikTradución do xaponés de Lourdes Porta
Editor: Tusquets , 2018
Características: 78 p.: il. cor; 23 cm.
0 comentarios :
Publicar un comentario