Biblioteca pública municipal de Brión

Estamos na Carballeira de Sta Minia dende 1989.

Un amplo espazo dominado pola luz

Sala xeral. Estudo, lectura e acceso a Internet.

Para os máis pequenos, un espazo de seu.

Sala infantil, cálida e luminosa.

Unha biblioteca aberta ás novas tecnoloxías

Acceso á información a través dos novos soportes dixitais.

Ven, entra e coñécenos

A biblioteca de todos e cada un.

Amosando publicacións coa etiqueta Haruki Murakami. Amosar todas as publicacións
Amosando publicacións coa etiqueta Haruki Murakami. Amosar todas as publicacións

venres, 7 de febreiro de 2020

"La chica del cumpleaños" de Haruki Murakami, nova lectura do club

De Suecia ata Xapón pasando por Grecia. Unha viaxe literaria que nos traslada ata oriente para reencontrarnos coa obra dun clásico contemporáneo, Haruki Murakami.

Despois de ler a deliciosa e autobiográfica “Otra vida por vivir” do escritor Theodor Kallifatides, achegámonos agora a un fermoso relato do célebre escritor xaponés sobre o misterio e o cotiá. Falamos de “La chica del cumpleaños”, a obra escollida para ler e comentar nesta ocasión.

Unha moza que traballa como camareira cumpre vinte anos. Pero non pasa ese día rodeada de amigos ou celebrando o aniversario en familia: ten que traballar. O seu xefe, o xerente do restaurante, pídelle, ademais, que leve a cea ao dono do local. É algo novo, nunca viu ao propietario. Con ese misterioso encargo iníciase este delicioso relato que transcorre como nun soño.

Unha lectura que analizaremos na vindeira xuntanza do club o próximo 27 de febreiro. Como sempre na biblioteca municipal ás 20:30 h.

Ficha da obra:

"La Chica del cumpleaños" / Haruki Murakami

Ilustracións, Kat Menschik
Tradución do xaponés de Lourdes Porta

Editor: Tusquets , 2018 
Características: 78 p.: il. cor; 23 cm.



xoves, 22 de maio de 2014

CLUB DE LECTURA: "TOKIO BLUES" DE HARUKI MURAKAMI

Despois da lectura de “Cien años de soledad” de Gabriel García Márquez cambiamos de terzo para achegarnos á obra do autor xaponés Haruki Murakami. Escritor e tradutor, os seus libros recibiron críticas positivas e numerosos premios arredor do mundo.
A obra escollida para achegarnos a súa prosa é “Tokio blues”, unha novela que narra unha historia nostálxica que trata os temas da perda e a sexualidade. A historia está contada polo seu protagonista, Toru Watanabe, que evoca na novela o tempo en que residiu en Tokyo durante o seu primeiro ano como estudante universitario.
A través dos recordos de Toru o lector é testemuña do desenvolvemento das súas relacións con dúas mulleres moi distintas: Naoko, unha rapaza fermosa, cunha vida emocional axitada, e, a sociable e animada Midori. 
A data escollida para reunirnos é o mércores 25 de xuño. Como sempre, será na BPM de Brión a partir das 20:30 h.