mércores, 29 de abril de 2015

Próxima lectura do club: "Desayuno en Tiffany's"

Despois de ler “Erros e Tánatos”, dez relatos de Gonzalo Navaza publicados en 1996, de seguido pasamos á narrativa do xornalista e escritor norteamericano Truman Capote, do que imos ler a novela “Desayuno en Tiffany’s” 
Esta obra novela conta a amizade entre a protagonista, Holiday ("Holly") Golightly, e un narrador anónimo que quere ser escritor. Ambos os dous son inquilinos dun edificio no Upper East Side de Manhattan. Holly Golightly é unha rapaza de Texas duns vinte anos que se introduciu na vida da alta sociedade saíndo con homes maiores con cartos. Golightly pouco a pouco revélalle a súa personalidade ao narrador. Ao mesmo tempo descóbrese a súa imposibilidade ou falta de desexo por cambiar.
Unha obra que comentaremos o vindeiro 20 de maio na próxima reunión do club de lectura. Como sempre, ás 20:30 h. na biblioteca municipal.

0 comentarios :

Publicar un comentario