O xoves 22 de maio, a biblioteca municipal recibiu a visita do poeta mexicano Manuel Becerra, quen mantivo un encontro literario tan enriquecedor como inspirador coas persoas integrantes do club de lectura. Foi un serán cheo de palabras e reflexións, que deu comezo ás 20:00 h. e se prolongou durante preto de hora e media.
Esta visita enmárcase no proxecto "Poldra: Literatura Expandida", unha iniciativa que busca achegar a literatura de autoras e autores de diferentes recunchos do mundo aos municipios da provincia. O programa está promovido pola Residencia Literaria 1863 e pola Deputación da Coruña, coa participación da biblioteca municipal de Brión.
0 comentarios :
Publicar un comentario