HORARIO DE SEMANA SANTA

Do 25 ao 27 de marzo:
Mañás: 10:30 a 13:30 h.
Tardes:16:30 a 19:30 h.

Os días 28 e 29 de marzo a biblioteca permanecerá pechada.

venres, 28 de febreiro de 2020

"Seda" de Alessandro Baricco, vindeira lectura do club

Despois de por en común as impresións sobre a lectura de “La chica del cumpleaños” de Haruki Murakami, non abandonamos de todo Xapón para achegarnos deseguido a “Seda”, coñecida novela do autor italiano Alessandro Baricco e vindeira lectura do club.

Unha obra que dende a súa publicación en 1996 acadou un grande éxito editorial a nivel mundial, con traducións a varios idiomas, entre eles o galego. Porén, vai ser a tradución publicada por Rinoceronte en 2006 a versión escollida para ler e comentar esta novela.

Ambientada no S. XIX, narra a historia de Hervé Jouncour, un comerciante francés que se despraza ata Xapón para adquirir materia prima para abastecer a industria téxtil da súa vila. Unha viaxe, onde xorde o amor, descrita con sutileza e concisión, con descricións dun pais elegante e misterioso visto con asombro dende o punto de vista dos occidentais.

Para comentar a obra reunirémonos o xoves 26 de marzo na biblioteca municipal.

0 comentarios :

Publicar un comentario