LEMBRANZA IMPORTANTE
No mes de agosto, a biblioteca municipal
pecha as súas portas ata o 6 de setembro.
Podes consultar toda a información na seguinte ligazón.

venres, 16 de maio de 2014

LARRAITZ URRUZOLA PRESENTA EN BRIÓN AS HISTORIAS DE "BABAMOR"

A actriz Larraitz Urruzola presentou en Brión, na véspera do Día das Letras Galegas, o espectáculo “Babamor”, un serán contacontos dirixido aos nenos e nenas de 2º Ciclo de Primaria do CEIP de Pedrouzos.
A sesión de contos comezou ás 12 h. e prolongouse durante uns sesenta minutos, asistindo a ela arredor dun 140 rapaces acompañados dos seus mestres. Todos xuntos gozaron das historias narradas por Larraitz, que dende o primeiro momento cativaron a atención curiosa dos rapaces e tamén dos adultos asistentes. Historias que nos falaron do amor entre diferentes e iguais. Contos cheos de valores, como a convivencia, amor e a amizade. 

O lugar de celebración do espectáculo foi o auditorio do Centro Social Polivalente, instalacións que acollen a maioría da programación da Feira do Libro de Brión-Maio Cultural 2014, actividade na que se enmarca esta actuación.

0 comentarios :

Publicar un comentario