Estamos na Carballeira de Sta Minia dende 1989.
Sala xeral. Estudo, lectura e acceso a Internet.
Sala infantil, cálida e luminosa.
Acceso á información a través dos novos soportes dixitais.
A biblioteca de todos e cada un.
O motivo, acompañar ao gran Xosé Vizoso na inauguración da exposición/homenaxe que a Biblioteca de Galicia organiza por mor do Día da Ilustración 2025.
Grazas pola comprensión e desculpen as molestias.
Este ano, por primeira vez, renderase merecido recoñecemento a unha persoa en vida. O elixido non é outro que o veciño de Brión e amigo Xosé Vizoso (Mondoñedo, 1950). Por iso, dende a biblioteca municipal queremos convidar as crianzas brionesas a participar nunha actividade de narración oral, con música e ilustración en vivo, para homenaxear a este destacado ceramista e ilustrador.
Nela descubriremos a biografía de Vizoso, o seu legado artístico e as ligazóns que o unen ao noso Concello. Simultaneamente, un ilustrador realizaría un mural relacionado que ilustrará os contidos deste serán tan especial.
Se desexas participar, anota na túa axenda esta data: venres 7 de febreiro ás 18:00 h. O acceso é de balde ata completar a capacidade da Sala Municipal de Exposicións (Casa da Cultura). Se o desexas, podes inscribirte na actividade a través deste formulario.
Se queres coñecer máis sobre a vida e obra deste autor, veciño ilustre de Brión, non dubides en participar e pasar un divertido serán cos amigos de Polo Correo do Vento.
Un destacado profesional cunha longa traxectoria como deseñador e ceramista, ademais dunha importante produción como ilustrador. En 1968 recibiu o Premio Nacional de Escultura e na súa carreira profesional destacan os corenta anos como deseñador da cerámica de Sargadelos. A súa obra caracterízase por un estilo profundamente ligado á cultura e ás tradicións galegas. Entre os seus traballos máis recentes destaca a creación do cartel do centenario do Celta de Vigo.
A biblioteca municipal desexa facer a súa humilde homenaxe ao gran Xosé Vizoso. Será por medio dunha mostra bibliográfica e de carteis que ilustran a evolución dun artista plástico polo que sentimos grande aprecio e admiración no Concello.
Dende o 27 de xaneiro, tódalas persoas que se acheguen ao centro poderán visitar a exposición e marchar levando como agasallo un marcador de páxinas dedicado a Rosalía de Castro, deseñado por Xosé Vizoso para conmemorar o 23 de febreiro, día do nacemento da poetisa.
A obra escollida nesta ocasión é “Faneca brava”, unha novela que afonda na vida de Carmucha, unha muller galega cunha vida marcada pola loita, os segredos e as complexidades emocionais. Ambientada nunha Galicia que se transforma co paso do tempo, “Faneca brava” convida ao lector a reflexionar sobre as raíces, as decisións vitais e a capacidade de reinventarse fronte ás adversidades. É unha obra que combina intensidade emocional e unha visión lúcida sobre a condición humana, cun estilo áxil e envolvente.
A través dunha narrativa próxima e profundamente humana, Portas retrata a evolución desta protagonista ao longo das décadas, explorando temas como a liberdade, o amor, a emigración e a resiliencia feminina. Co autor, esperamos compartir a experiencia lectora desta obra e debater estes e outros aspectos da novela nunha vindeira xuntanza do Club, que realizaremos no mes de febreiro, nunha data que anunciaremos en breve.
 | Concerto: A escola en itinerancia 16/05/2012 |