Falamos da moza brionesa Noela Rivas Cantelar que onte, ás 20:00 h., presentou na Sala Municipal de Exposicións (Casa da Cultura) “Poder non é querer”, unha novela publicada en 2023 pola Editorial Galaxia, na colección “Costa Oeste”. Unha obra coa que Noela debuta nas nosas letras retratando con fidelidade e entusiasmo a mocidade galega actual, para reflectir como son, como pensan, desexan e actúan os novos.
O acto, que se estendeu durante aproximadamente corenta minutos, tivo unha moi boa recepción, cunha participación destacada de público, que seguiu con atención a presentación que desenvolveu a escritora.
Se queres coñecer a obra, podes mercala en librarías ou achegarte á biblioteca municipal para descubrila, nun exemplar dedicado pola autora a todas as lectoras e a todos os lectores de Brión. Un lugar onde Mariña, a protagonista da historia, tamén atopou o seu fogar.
0 comentarios :
Publicar un comentario