LEMBRANZA IMPORTANTE
Medidas adoptadas para previr a expansión do Coronavirus COVID-19:
Dende o VENRES 13 DE MARZO e ata novo aviso
este centro permanecerá pechado ao público.

venres, 6 de marzo de 2020

Día da Muller, 8 de marzo: unha data e uns valores para reivindicar todo o ano

Para conmemorar o 8 de marzo, data na que celebramos o Día Internacional da Muller, o Concello de Brión patrocina, xunto con Ames, Dodro, Padrón e Santiago, a través do programa "As Pegadas de Rosalía" a Andaina "Rosalías da Vida". Unha actividade que este domingo vai reivindicar a figura de Rosalía de Castro como muller escritora comprometida coa loita pola igualdade de xénero e a xustiza social.
Un actividade que tamén vai servir para dar visibilidade e reivindicar os valores que soportan esta conmemoración que celebramos a nivel internacional. Un día para normalizar o resto do ano a participación social igualitaria da muller e o seu desenvolvemento integro como persoa.
Asemade, dende a biblioteca municipal, convidamos a todas as usuarias e todos os usuarios do servizo a visitar un punto de interese temporal sobre igualdade onde poderán descubrir ao longo da vindeira semana materiais sobre un tema que nos interesa a todas e a todos.

0 comentarios :

Publicar un comentario