LEMBRANZA:
Modificación do horario de apertura matutino da biblioteca do 23 ao 30 de xaneiro:
Mañás: 10:00 a 13:00 h.
Tardes: 16:00 a 22:00 h.
Sábado: 9:00 a 14:00 h.
Neste período non funcionará o servizo de préstamo en horario de mañá. Máis información

martes, 23 de outubro de 2018

Celebramos o aniversario da biblioteca con Luís Vallecillo e Celtia Figueiras

En Brión adiantamos un día a conmemoración do 24 de outubro, Día da Biblioteca, cun divertido serán de animación a cargo de Luís Vallecillo e Celia Figueiras. Un dúo artístico cheo de simpatía que presentou o seu espectáculo “O aniversario da biblioteca”. Unha actividade con música, teatro e danza dirixido a nenos e nenas de tres anos en diante. Contos, cancións, misterios e, por suposto, unha gran torta de aniversario para celebrar que a biblioteca cumpre un ano máis!
E que mellor ocasión para facelo que con motivo do Día da Biblioteca, unha data que cada 24 de outubro dende 1997 pretende facer visible entre a cidadanía a labor das bibliotecas, os seus servizos e recursos. Tamén o seu papel coma punto de encontro de lectores coa cultura, a información e o lecer.
Celtia e Luís reuniron durante aproximadamente unha hora a case 40 persoas, entre crianzas e pais, que participaron nunha celebración moi especial, festiva e participativa que rematou cunha merenda con torta de aniversario incluída.
Unha sesión de animación que deixou un bo sabor de boca entre todos os participantes. Unha actividade que contou co patrocinio do programa Ler conta moito da Rede de Bibliotecas Públicas de Galicia. 

Album de imaxes:

 




0 comentarios :

Publicar un comentario