Con motivo da conmemoración do 25N, Día Internacional da Eliminación da Violencia contra a Muller, a biblioteca municipal desexa sensibilizar a toda a cidadanía sobre esta terrible eiva contra a que debemos loitar ata erradicala da sociedade.
A información é a mellor arma para atinxir neste albo, porque con educación podemos previr e reverter un fenómeno que afecta a milleiros de mulleres ao longo de todo o planeta. Por iso, na semana do 25 de novembro, comprometémonos máis que nunca a dar visibilidade e liberarnos das violencias machistas.
Asemade, desexamos convidarvos a descubrir o noso punto de interese permanente sobre o tema que atoparás na sala principal da biblioteca.
