Dende A Coruña, cidade onde reside Fernando Ontañón, cruzamos o grande océano para dirixirnos ata Pensilvania, terra natal do escritor que nos ocupa. Estamos a falar do estadounidense Christopher Morley (1890-1957), autor do que imos ler a súa primeira novela, “La librería ambulante" (Periférica, 2012), publicada en 1917.
A obra está ambientada na segunda década do século XX, nuns Estados Unidos aínda rurais e de paisaxes idílicos, onde conviven os vellos carromatos e os novísimos automóbiles; Roger Mifflin, un libreiro ambulante que desexa regresar a Brooklyn para redactar as súas memorias, vende a súa singular librería sobre rodas (xunto á súa egua e o seu can) á xa madura señorita Helen McGill, quen decide, farta da monotonía da súa vida, lanzarse á aventura e percorrer mundo. A partir dese momento sucederanse os encontros e os desencontros, e as máis divertidas peripecias daranse a man cos grandes ensinos que proporcionan libros e libreiro.
Un libro que comentaremos en aninovo, concretamente o mércores 10 de xaneiro. Coma sempre a xuntanza será na biblioteca, a partir das 20:00 h.
Un libro que comentaremos en aninovo, concretamente o mércores 10 de xaneiro. Coma sempre a xuntanza será na biblioteca, a partir das 20:00 h.
