LEMBRANZA:
O día 2 de xullo comezamos co horario estival.
Luns a venres: de 10:00 a 13:00 e de 16:00 a 20:00 h.
Sábados, pechamos.

jueves, 21 de junio de 2018

"Doña Flor y sus dos maridos" de Jorge Amado, vindeira lectura do club

Chega o verán e coa entrada da estación estival afrontamos no club a última lectura da temporada. Despois de ler ao autor cubano Leonardo Padura, non saímos do continente americano para afrontar a lectura dunha das novelas máis coñecidas do escritor brasileiro Jorge Amado, “Doña Flor y sus dos maridos”.

Unha historia ambientada en Bahía onde vive Dona Flor, directora dunha prestixiosa escola de cociña que enviúva de Vadinho, un rexoubeiro empedernido afeccionado á esmorga e excepcional e insaciable amante.

Cando morre, por mor dos seus excesos, a súa esposa volve casar. Pero Teodoro, o seu segundo marido, é todo o contrario. Trátase dun farmacéutico corentón, ríxido e pudoroso, que leva unha vida impecable. Pero, ao ano desta segunda voda e para susto de dona Flor, o traveso espírito do encantador Vadinho reaparece coa mesma fogosidade sexual de outrora, o que supón unha disxuntiva para a esposa. Asemade, na novela están moi presentes as artes culinarias e o goce para os sentidos que elas supoñen, sempre en estreita relación co erotismo e a mitoloxía local.

Unha lectura que comentaremos o mércores 18 de xullo. Como de costume, ás 20:00 h.

0 comentarios :

Publicar un comentario