HORARIO DE SEMANA SANTA

Do 25 ao 27 de marzo:
Mañás: 10:30 a 13:30 h.
Tardes:16:30 a 19:30 h.

Os días 28 e 29 de marzo a biblioteca permanecerá pechada.

xoves, 10 de novembro de 2016

O club de lectura inicia temporada con "Que non te aten" de Manuel Iglesias Turnes

Iniciamos unha temporada máis do club de lectura da biblioteca pública municipal, con novas lecturas compartidas e xuntanzas para por en común as nosas experiencias lectoras. Nesta ocasión, o libro escollido para comezar é “Que non te aten”, segunda novela do escritor Manuel Iglesias Turnes.
Tras ler a súa anterior obra, “As rapazas de Xan”, na que recuperaba de forma conmovedora a memoria dunha aldea galega dos anos cincuenta do século XX, propoñémonos agora coñecer a historia de Marcos, un mozo que traballa nunha pequena explotación leiteira de cincocentas cabezas que a súa familia rexenta en Cabanas, unha parroquia do Concello da Baña.
Unha historia arredor da vida cotiá dunha familia galega que vive e traballa no noso agro; un espazo próximo e recoñecible, cada vez máis ameazado por un xeito de vida máis urbano e globalizado. Para comentar esta lectura, xuntarémonos o mércores 30 de novembro. Como de costume ás 20:30 h. na biblioteca municipal.

0 comentarios :

Publicar un comentario